ਜੈ ਗੁਰੁਦੇਵ

ਜਗਤ ਗੁਰੁ ਰਵਿਦਾਸ ਜੀ ਮਹਾਰਾਜ ਜੀ ਪੂਰਨ ਸਤਿਗੁਰੂ ਹੋਏ ਹਨ । ਉਹਨਾਂ ਨੇ ਇਨਸਾਨੀ ਜਾਮਾ ਲਿਆ ਸਾਨੂੰ ਸਮਝਾਉਣ ਦੇ ਲਈ । ਉਹ ਆਪ ਉਦਾਹਰਣ ਬਣੇ ਸਾਨੂੰ ਦਿਖਉਣ ਦੇ ਲਈ ਕਿ ਭਗਤੀ ਮਾਰਗ ਕੀ ਹੈ । ਇਕ ਸਦਾਚਾਰੀ ਮਨੁੱਖ ਪ੍ਰੀਵਾਰਿਕ ਜੁੰਮੇਵਾਰੀਆਂ ਨਿਭਾਉਦੇ ਹੋਏ ਧਰਮ ਦੇ ਮਾਰਗ ਤੇ ਚੱਲ ਕੇ ਉਸ ਪ੍ਰਭੂ ਨਾਲ ਅਭੇਦਤਾ ਪਾ ਲੈਂਦਾ ਹੈ । ਇਹ ਅਵਸਥਾ ਪ੍ਰਾਪਤ ਕਰਨ ਲਈ ਉਹ ਯੋਗੀ, ਸਨਿਆਸੀ, ਭ੍ਰਮਚਾਰੀ ਜਾਂ ਕੋਈ ਭੇਖ ਧਾਰਨ ਨਹੀ ਕਰਦਾ ਸਗੋਂ ਗ੍ਰਿਹਸਥ ਜੀਵਨ ਵ੍ਨਿਚ ਰਹਿੰਦੇ ਹੋਏ ਆਪਣੇ ਅੰਦਰ ਸਤਿਸੰਤੋਖ, ਨਿਮਰਾਤਾ, ਸਦਾਚਾਰ, ਨਿਰਵੈਰ ਅਤੇ ਸੱਚੀ ਸੁੱਚੀ ਕਿਰਤ ਵਰਗੇ ਗੁਣਾਂ ਨੂੰ ਧਾਰਨ ਕਰਦਾ ਹੈ, ਜੋ ਇਹਨਾਂ ਗੁਣਾ ਨਾਲ ਭਰਪੂਰ ਹੁੰਦਾ ਹੈ ਇਹੋ ਜਿਹੇ ਮਾਨਵ ਦੇ ਸਿਰ ਤੇ ਬੇਗਮਪੁਰੇ ਵਰਗੇ ਆਦਰਸ਼ ਦੀ ਸਿਰਜਣਾ ਕੀਤੀ ਜਾ ਸਕਦੀ ਹੈ । ਇਹ ਗੁਣ ਗੁਰੁ ਸਾਹਿਬ ਜੀ ਵਿੱਚ ਜਨਮ ਤੋਂ ਹੀ ਸਨ । ਇਹੋ ਗੁਣ ਉਹਨਾਂ ਨੇ ਸਾਡੇ ਸਾਹਮਣੇ ਦਰਸਾਏ ਹਨ ਕਿ ਅਸੀ ਵੀ ਇਹਨਾਂ ਨੂੰ ਧਾਰਣ ਕਰੀਏ ਅਤੇ ਉਹਨਾਂ ਦਾ ਸੁਪਨਾ ਪੂਰਾ ਕਰੀਏ । ਉਹ ਬੇਗਮਪੁਰਾ ਸ਼ਹਿਰ ਵਸਾਉਣ ਦਾ ਸੁਪਨਾ ਜਿਸਦੇ ਉਹ ਆਪ ਵਾਸੀ ਹਨ । ਗੁਰੁ ਜੀ ਦੇ ਗੁਣ ਅਤੇ ਗਰੂ ਜੀ ਦੀ ਦਯਾ ਮਿਹਰ ਅਪਾਰ ਹੈ ਜਿਸਨੂੰ ਸ਼ਬਦਾ ਵਿੱਚ ਬਿਆਨ ਨਹੀ ਕੀਤਾ ਜਾ ਸਕਦਾ ਇਹ ਤਾਂ ਸਿਰਫ ਗੁਰੁ ਪਿਆਰਿਆਂ ਦਾ ਪਿਆਰ ਹੈ ਜੋ ਉਹਨਾਂ ਲਈ ਸ਼ਬਦ ਦਾ ਰੂਪ ਧਾਰਨ ਕਰ ਲੈਂਦਾ ਹੈ ।ਅਗਰ ਲਿਖਣ ਵ੍ਨਿਚ ਕੋਈ ਗਲਤੀ ਹੋ ਗਈ ਹੋਵੇ ਤਾਂ ਗੁਰਾਂ ਦਾ ਇਕ ਨਾਸਮਝ ਪਿਆਰਾ ਸਮਝ ਕੇ ਮਾਫ ਕਰ ਦੇਣਾ ਜੀ ।

ਰਵੀ ਪਾਲ

rvI pwl

mobile: 00971559592308      email ;- ravipal108@gmail.com

Punjab - India