ਬਹੁਜਨ ਸਮਾਜ ਪਾਰਟੀ ਲਈ ਸਭਤੋਂ ਵਧ ਨੁਕਸਾਨਦੇਹ ਸਾਬਤ ਹੋ ਸਕਦੀ ਹੈ ਆਮ ਆਦਮੀ ਪਾਰਟੀ।

ਆਮ ਵੋਟਰਾਂ ਦਾ ਰੁਝਾਨ ਬੀਐਸਪੀ ਦੀ ਥਾਂ ਆਪ ਵੱਲ ਵਧਿਆ।ਦਿੱਲ੍ਹੀ ਵਿੱਚ ਬੀਐਸਪੀ 10 ਉਮੀਦਵਾਰਾਂ ਨੂੰ  ਮਿਲੀਆਂ 1000 ਤੋਂ ਵੀ ਘਟ ਵੋਟਾਂ।ਰਾਖਵੇਂ ਹਲਕਿਆਂ ਵਿੱਚ ਵੀ ਹੋਇਆ ਪਾਰਟੀ ਨੂੰ ਨੁਕਸਾਨ।

30 ਦਸੰਬਰ, 2013 (ਕੁਲਦੀਪ  ਚੰਦ ) ਲੱਗਭੱਗ ਤਿੰਨ ਦਹਾਕੇ ਪਹਿਲਾਂ ਹੋਂਦ ਵਿੱਚ ਆਈ ਰਾਜਨੀਤਿਕ ਪਾਰਟੀ ਬਹੁਜਨ ਸਮਾਜ ਪਾਰਟੀ ਜਿਸਦਾ ਅਧਾਰ ਦਲਿਤ ਵੋਟ ਬੈਂਕ ਰਿਹਾ ਹੈ ਨੇ ਦੇਸ਼ ਦੇ ਵੱਡੇ ਸੂਬੇ ਉਤਰ ਪ੍ਰਦੇਸ਼ ਵਿੱਚ ਰਾਜ ਕਰਕੇ ਇਹ ਸਾਬਤ ਕਰ ਦਿਤਾ ਸੀ ਕਿ ਆਣ ਵਾਲਾ ਸਮਾਂ ਬਹੁਜਨ ਸਮਾਜ ਪਾਰਟੀ ਦਾ ਹੀ ਹੈ ਅਤੇ ਜਲਦੀ ਹੀ ਦੇਸ ਵਿੱਚ ਬੀ ਐਸ ਪੀ ਦੀ ਸਰਕਾਰ ਬਣੇਗੀ। ਬੀ ਐਸ ਪੀ ਲੀਡਰਸ਼ੀਪ ਦਾ ਇਹ ਸੁਪਨਾ ਇਸ ਸਾਲ ਦੇਸ਼ ਦੇ ਪੰਜ ਰਾਜਾ ਵਿੱਚ ਹੋਈਆਂ ਚੋਣਾਂ ਵਿੱਚ ਚਕਨਾਚੂਰ ਹੋ ਗਿਆ। ਇਨ੍ਹਾਂ ਚੋਣਾਂ ਵਿੱਚ ਬੀ ਐਸ ਪੀ ਦੀਆਂ ਵੱਖ ਵੱਖ ਸੂਬਿਆਂ ਵਿੱਚ ਸੀਟਾਂ 2008 ਨਾਲੋਂ ਘਟ ਗਈਆਂ ਹਨ। ਇਨ੍ਹਾਂ ਚੋਣਾਂ ਵਿੱਚ ਬੀਐਸਪੀ ਨੂੰ ਸਭਤੋਂ ਵੱਡਾ ਨੁਕਸਾਨ ਦਿੱਲੀ ਵਿੱਚ ਪਹੁੰਚਿਆ ਹੈ ਜਿੱਥੇ ਆਮ ਆਦਮੀ ਪਾਰਟੀ ਜਿਸਨੇ ਅਪਣੇ ਆਗੂ ਅਰਵਿੰਦ ਕੇਜਰੀਵਾਲ ਦੀ ਅਗਵਾਈ ਵਿੱਚ ਚੋਣ ਲੜੀ ਅਤੇ 28 ਸੀਟਾਂ ਤੇ ਜਿੱਤ ਪ੍ਰਾਪਤ ਕੀਤੀ ਹੈ। ਆਮ ਆਦਮੀ ਪਾਰਟੀ ਜੋਕਿ ਕੁੱਝ ਮਹੀਨੇ ਪਹਿਲਾਂ ਹੀ ਹੋਂਦ ਵਿੱਚ ਆਈ ਹੈ ਨੇ ਆਮ ਆਦਮੀ ਜਿਸ ਵਿੱਚ ਗਰੀਬ ਲਿਤਾੜੇ ਵਰਗ ਅਤੇ ਦਲਿਤ ਵਰਗ ਦੇ ਲੋਕ ਸ਼ਾਮਲ ਹਨ ਦੀਆਂ ਸਮਸਿਆਵਾਂ ਲਈ ਅਵਾਜ ਉਠਾਕੇ ਇਨ੍ਹਾਂ ਚੋਣਾਂ ਵਿੱਚ ਵੱਡੀ ਜਿੱਤ ਪ੍ਰਾਪਤ ਕੀਤੀ ਹੈ। ਹੈਰਾਨੀ ਦੀ ਗੱਲ ਹੈ ਕਿ ਸਮੂਹ ਵਿਰੋਧੀ ਰਾਜਨੀਤਿਕ ਪਾਰਟੀਆਂ ਨੇ ਬੇਸ਼ੱਕ ਦਿੱਲੀ ਦੀ ਮੁੱਖ ਮੰਤਰੀ ਸ਼ੀਲਾ ਦਿਕਸ਼ਿਤ ਦੇ ਖਿਲਾਫ ਨਵੀ ਦਿੱਲੀ ਤੋਂ ਕੋਈ ਠੋਸ ਉਮੀਦਵਾਰ ਖੜੇ ਨਹੀਂ ਕੀਤੇ ਉਥੇ ਹੀ ਆਮ ਆਦਮੀ ਪਾਰਟੀ ਆਗੂ ਅਰਵਿੰਦ ਕੇਜਰੀਵਾਲ ਨੇ ਖੁਦ ਸ਼ੀਲਾ ਦਿਕਸ਼ਿਤ ਨੂੰ ਲੱਗਭੱਗ 25864 ਵੋਟਾਂ ਦੇ ਅੰਤਰ ਨਾਲ ਹਰਾਕੇ ਸਾਬਤ ਕਰ ਦਿਤਾ ਕਿ ਲੋਕਤੰਤਰ ਵਿੱਚ ਜੇਕਰ ਆਮ ਆਦਮੀ ਚਾਹੇ ਤਾਂ ਵੱਡੇ ਵੱਡੇ ਆਗੂਆਂ ਨੂੰ ਹਰਾ ਸਕਦਾ ਹੈ। ਇਨ੍ਹਾਂ ਚੋਣਾਂ ਵਿੱਚ ਦਿੱਲੀ ਜਿਥੋਂ ਦੇਸ਼ ਦੀ ਰਾਜਨੀਤੀ ਚੱਲਦੀ ਹੈ ਵਿੱਚ ਬਹੁਜਨ ਸਮਾਜ ਪਾਰਟੀ ਨੂੰ ਕਾਫੀ ਨਮੋਸ਼ੀ ਦਾ ਸਾਹਮਣਾ ਕਰਨਾ ਪਿਆ ਹੈ। ਜੇਕਰ 2008 ਵਿੱਚ ਹੋਈਆਂ ਚੋਣਾਂ ਦੇ ਮੁਕਾਬਲੇ 2013 ਵਿੱਚ ਹੋਈਆਂ ਚੋਣਾਂ ਦੀ ਗੱਲ ਕਰੀਏ ਤਾਂ 2008 ਵਿੱਚ ਬੀਐਸਪੀ ਨੇ ਸਾਰੀਆਂ ਹੀ 70 ਸੀਟਾਂ ਤੇ ਚੋਣ ਲੜੀ ਸੀ ਅਤੇ  ਇਨ੍ਹਾਂ ਵਿਚੋਂ 2 ਸੀਟਾਂ ਤੇ ਜਿੱਤ ਪ੍ਰਾਪਤ ਕੀਤੀ ਸੀ। ਇਨ੍ਹਾਂ ਚੋਣਾਂ ਵਿੱਚ ਬੀ ਐਸ ਪੀ ਨੂੰ ਕੁੱਲ 867672 ਵੋਟਾਂ ਮਿਲੀਆਂ ਸਨ। ਦਸੰਬਰ 2013 ਵਿੱਚ ਹੋਈਆਂ ਚੋਣਾਂ ਵਿੱਚ ਬੀਐਸਪੀ ਨੇ 69 ਸੀਟਾਂ ਤੋਂ ਹੀ ਚੋਣ ਲੜੀ ਹੈ ਜਿਸ ਵਿੱਚ ਕੁੱਲ 420931 ਵੋਟਾਂ ਹੀ ਮਿਲੀਆਂ ਹਨ ਅਤੇ ਲੱਗਭੱਗ 446741 ਵੋਟਾਂ ਦਾ ਭਾਰੀ ਨੁਕਸਾਨ ਹੋਇਆ ਹੈ। 2008 ਵਿੱਚ ਪਾਰਟੀ ਨੂੰ ਘਟ ਤੋਂ ਘਟ ਵੋਟਾਂ 1492 ਪਈਆਂ ਸਨ ਪਰੰਤੂ 2013 ਵਿੱਚ ਇਹ ਵੀ 409 ਤੱਕ ਹੇਠਾਂ ਆ ਗਈਆਂ ਹਨ। 2008 ਵਿੱਚ ਬੀ ਐਸ ਪੀ ਉਮੀਦਵਾਰ ਨੂੰ 53416 ਤੱਕ ਵੋਟਾਂ ਵੀ ਮਿਲੀਆਂ ਸਨ ਪਰੰਤੂ ਇਸ ਵਾਰ 31077 ਤੋਂ ਵੱਧ ਕਿਸੇ ਵੀ ਉਮੀਦਵਾਰ ਨੂੰ ਵੋਟਾਂ ਨਾਂ ਮਿਲੀਆਂ। 2008 ਵਿੱਚ 1000 ਤੋਂ ਘਟ ਕਿਸੇ ਵੀ ਉਮੀਦਵਾਰ ਨੂੰ ਵੋਟਾਂ ਨਹੀਂ ਮਿਲੀਆਂ ਸਨ ਪਰੰਤੂ 2013 ਵਿੱਚ 10 ਉਮੀਦਵਾਰ ਅਜਿਹੇ ਹਨ ਜਿਨ੍ਹਾਂ ਨੂੰ 1000 ਤੋਂ ਵੀ ਘਟ ਵੋਟਾਂ ਮਿਲੀਆਂ ਹਨ। 2008 ਵਿੱਚ 5000 ਤੋਂ 10000 ਤੱਕ ਵੋਟਾਂ ਲੈਣ ਵਾਲੇ ਉਮੀਦਵਾਰਾਂ ਦੀ ਗਿਣਤੀ 21 ਸੀ ਜੋਕਿ ਇਸਵਾਰ ਘਟਕੇ 8 ਰਹਿ ਗਈ ਹੈ। 2008 ਵਿੱਚ 10000 ਤੋਂ 20000 ਤੱਕ ਵੋਟਾਂ ਲੈਣ ਵਾਲੇ ਉਮੀਦਵਾਰਾਂ ਦੀ ਗਿਣਤੀ 26 ਸੀ ਜੋਕਿ ਇਸਵਾਰ ਘਟਕੇ 8 ਰਹਿ ਗਈ ਹੈ। 2008 ਵਿੱਚ 20000 ਤੋਂ ਵਧ ਵੋਟਾਂ ਲੈਣ ਵਾਲੇ ਉਮੀਦਵਾਰਾਂ ਦੀ ਗਿਣਤੀ 10 ਸੀ ਜੋਕਿ ਇਸਵਾਰ ਘਟਕੇ 6 ਰਹਿ ਗਈ ਹੈ। 2008 ਵਿੱਚ ਪਾਰਟੀ ਦੇ 2 ਉਮੀਦਵਾਰ ਜੇਤੂ ਅਤੇ ਪਹਿਲੇ ਨੰਬਰ ਤੇ ਰਹੇ ਜਦਕਿ ਇਸ ਵਾਰ ਇੱਕ ਵੀ ਉਮੀਦਵਾਰ ਜਿੱਤ ਨਾਂ ਪ੍ਰਾਪਤ ਕਰ ਸਕਿਆ। 2008 ਵਿੱਚ ਪਾਰਟੀ ਦੇ 55 ਉਮੀਦਵਾਰ ਤੀਜੇ ਨੰਬਰ ਤੇ ਰਹੇ ਜਦਕਿ ਇਸ ਵਾਰ ਸਿਰਫ 4 ਉਮੀਦਵਾਰ ਹੀ ਤੀਜੇ ਨੰਬਰ ਤੇ ਰਹੇ ਹਨ। 2008 ਵਿੱਚ ਪਾਰਟੀ ਦੇ 8 ਉਮੀਦਵਾਰ ਚੋਥੇ ਨੰਬਰ ਤੇ ਰਹੇ ਜਦਕਿ ਇਸ ਵਾਰ ਸਿਰਫ 35 ਉਮੀਦਵਾਰ ਚੋਥੇ ਨੰਬਰ ਤੇ ਰਹੇ ਹਨ। ਇਸ ਵਾਰ 20 ਉਮੀਦਵਾਰ ਪੰਜਵੇ ਨੰਬਰ ਤੇ, 6 ਉਮੀਦਵਾਰ 6ਵੇਂ ਨੰਬਰ ਤੇ ਅਤੇ 01 ਉਮੀਦਵਾਰ 7ਵੇਂ ਨੰਬਰ ਤੇ ਪਹੁੰਚ ਗਿਆ ਹੈ। ਹੈਰਾਨੀ ਦੀ ਗੱਲ ਹੈ ਕਿ ਰਾਖਵੇਂ ਹਲਕਿਆਂ ਵਿੱਚ ਵੀ ਬੀਐਸਪੀ ਦਾ ਵੋਟ ਬੈਂਕ ਕਾਫੀ ਘਟ ਗਿਆ ਹੈ। ਰਾਖਵੇਂ ਹਲਕਿਆਂ ਵਿਚੋਂ ਅੰਬੇਡਕਰ ਨਗਰ ਵਿੱਚ 2008 ਵਿੱਚ ਪਾਰਟੀ ਉਮੀਦਵਾਰ ਨੂੰ 12362 ਵੋਟਾਂ ਮਿਲੀਆਂ ਸਨ ਜੋਕਿ 2013 ਵਿੱਚ ਘਟਕੇ ਸਿਰਫ 3250 ਹੀ ਰਹਿ ਗਈਆਂ ਹਨ। ਬਬਾਨਾ ਵਿੱਚ 2008 ਵਿੱਚ ਪਾਰਟੀ ਉਮੀਦਵਾਰ ਨੂੰ 17848 ਵੋਟਾਂ ਮਿਲੀਆਂ ਸਨ ਜੋਕਿ 2013 ਵਿੱਚ ਘਟਕੇ ਸਿਰਫ 9017 ਹੀ ਰਹਿ ਗਈਆਂ ਹਨ। ਦਿਓਲੀ ਵਿੱਚ 2008 ਵਿੱਚ ਪਾਰਟੀ ਉਮੀਦਵਾਰ ਨੂੰ 24862 ਵੋਟਾਂ ਮਿਲੀਆਂ ਸਨ ਜੋਕਿ 2013 ਵਿੱਚ ਘਟਕੇ ਸਿਰਫ 4419 ਹੀ ਰਹਿ ਗਈਆਂ ਹਨ। ਗੋਕਲਪੁਰ ਵਿੱਚ 2008 ਵਿੱਚ ਪਾਰਟੀ ਉਮੀਦਵਾਰ ਜੇਤੂ ਰਿਹਾ ਸੀ ਅਤੇ 27499 ਵੋਟਾਂ ਮਿਲੀਆਂ ਸਨ ਜੋਕਿ 2013 ਵਿੱਚ ਘਟਕੇ ਸਿਰਫ 10899 ਹੀ ਰਹਿ ਗਈਆਂ ਹਨ। ਕਰੋਲ ਬਾਗ ਵਿੱਚ 2008 ਵਿੱਚ ਪਾਰਟੀ ਉਮੀਦਵਾਰ ਨੂੰ 7555 ਵੋਟਾਂ ਮਿਲੀਆਂ ਸਨ ਜੋਕਿ 2013 ਵਿੱਚ ਘਟਕੇ ਸਿਰਫ 1200 ਹੀ ਰਹਿ ਗਈਆਂ ਹਨ। ਕੋਂਡਲੀ ਵਿੱਚ 2008 ਵਿੱਚ ਪਾਰਟੀ ਉਮੀਦਵਾਰ ਨੂੰ 19903 ਵੋਟਾਂ ਮਿਲੀਆਂ ਸਨ ਜੋਕਿ 2013 ਵਿੱਚ ਘਟਕੇ ਸਿਰਫ 14988 ਹੀ ਰਹਿ ਗਈਆਂ ਹਨ। ਮਾਦੀਪੁਰ  ਵਿੱਚ 2008 ਵਿੱਚ ਪਾਰਟੀ ਉਮੀਦਵਾਰ ਨੂੰ 9337 ਵੋਟਾਂ ਮਿਲੀਆਂ ਸਨ ਜੋਕਿ 2013 ਵਿੱਚ ਘਟਕੇ ਸਿਰਫ 2169 ਹੀ ਰਹਿ ਗਈਆਂ ਹਨ। ਮੰਗੋਲਪੁਰੀ ਵਿੱਚ 2008 ਵਿੱਚ ਪਾਰਟੀ ਉਮੀਦਵਾਰ ਨੂੰ 19971 ਵੋਟਾਂ ਮਿਲੀਆਂ ਸਨ ਜੋਕਿ 2013 ਵਿੱਚ ਘਟਕੇ ਸਿਰਫ 3722 ਹੀ ਰਹਿ ਗਈਆਂ ਹਨ। ਪਾਲਮ ਵਿੱਚ 2008 ਵਿੱਚ ਪਾਰਟੀ ਉਮੀਦਵਾਰ ਨੂੰ 6846 ਵੋਟਾਂ ਮਿਲੀਆਂ ਸਨ ਜੋਕਿ 2013 ਵਿੱਚ ਘਟਕੇ ਸਿਰਫ 5069 ਰਹਿ ਗਈਆਂ ਹਨ। ਸੀਮਾਪੁਰੀ ਵਿੱਚ 2008 ਵਿੱਚ ਪਾਰਟੀ ਉਮੀਦਵਾਰ ਨੂੰ 14823 ਵੋਟਾਂ ਮਿਲੀਆਂ ਸਨ ਜੋਕਿ 2013 ਵਿੱਚ ਘਟਕੇ ਸਿਰਫ 12501 ਹੀ ਰਹਿ ਗਈਆਂ ਹਨ। ਤਰਲੋਕਪੁਰੀ ਵਿੱਚ 2008 ਵਿੱਚ ਪਾਰਟੀ ਉਮੀਦਵਾਰ ਨੂੰ 19417 ਵੋਟਾਂ ਮਿਲੀਆਂ ਸਨ ਜੋਕਿ 2013 ਵਿੱਚ ਘਟਕੇ ਸਿਰਫ 16099 ਹੀ ਰਹਿ ਗਈਆਂ ਹਨ। ਰਾਖਵੇਂ ਹਲਕਿਆਂ ਵਿਚੋਂ ਸਿਰਫ ਸੁਲਤਾਨਪੁਰ ਮਾਜ਼ਰਾ ਤੋਂ ਹੀ ਪਾਰਟੀ ਉਮੀਦਵਾਰ ਦੀਆਂ ਵੋਟਾਂ ਵਿੱਚ ਵਾਧਾ ਹੋਹਿਆ ਹੈ ਜਿੱਥੇ 2008 ਵਿੱਚ ਪਾਰਟੀ ਉਮੀਦਵਾਰ ਨੂੰ 18559ਵੋਟਾਂ ਮਿਲੀਆਂ ਸਨ ਜੋਕਿ 2013 ਵਿੱਚ ਵਧਕੇ 25424 ਵੋਟਾਂ ਹੋ ਗਈਆਂ ਹਨ। ਬਹੁਜਨ ਸਮਾਜ ਪਾਰਟੀ ਦੀ ਇਸ ਹਾਰ ਦੇ ਕਾਰਨਾਂ ਦੀ ਜੇਕਰ ਪਾਰਟੀ ਆਗੂਆਂ ਨੇ ਸਮੇਂ ਸਿਰ ਪੜਚੋਲ ਨਾਂ ਕੀਤੀ ਤੇ ਆਮ ਲੋਕਾਂ ਤੋਂ ਲੀਡਰਾਂ ਦੀ ਬਣੀ ਦੂਰੀ ਨੂੰ ਨਾਂ ਘਟਾਇਆ ਤਾਂ ਆਣ ਵਾਲਾ ਸਮਾਂ ਪਾਰਟੀ ਲਈ ਹੋਰ ਵੀ ਵੱਡਾ ਨੁਕਸਾਨਦਾਇਕ ਸਾਬਤ ਹੋ ਸਕਦਾ ਹੈ।