ਸ੍ਰੀ ਗੁਰੂ ਰਵਿਦਾਸ ਮਹਾਰਾਜ ਜੀ ਦੇ ਤਪ ਅਸਥਾਨ ਖੁਰਾਲਗੜ ਜ਼ਿਲਾ ਹੁਸ਼ਿਆਰਪੁਰ

 ਵਿਖੇ ਵੈਸਾਖੀ ਦੇ ਦਿਨ ਲੱਖਾਂ ਦੀ ਗਿਣਤੀ ਵਿੱਚ ਸੰਗਤਾਂ ਨੇ ਹਾਜ਼ਰੀਆਂ ਲਗਵਾਈਆਂ

੧੫-੦੪-੨੦੧੧ (ਖੁਰਾਲਗੜ)  ਸ੍ਰੀ ਗੁਰੂ ਰਵਿਦਾਸ ਮਹਾਰਾਜ ਜੀ ਦੇ ਤਪ ਅਸਥਾਨ ਖੁਰਾਲਗੜ ਜ਼ਿਲਾ ਹੁਸ਼ਿਆਰਪੁਰ ਵਿਖੇ ਵੈਸਾਖੀ ਦੇ ਦਿਨ ਲੱਖਾਂ ਦੀ ਗਿਣਤੀ ਵਿੱਚ ਸੰਗਤਾਂ ਨੇ ਹਾਜ਼ਰੀਆਂ ਲਗਵਾਈਆਂ । ਅੱਜ ਵੈਸਾਖੀ ਅਤੇ ਬਾਬਾ ਸਾਹਿਬ ਡਾਕਟਰ ਭੀਮ ਰਾਓ ਅੰਬੇਡਕਰ ਜੀ ਦਾ ਜਨਮ ਦਿਨ ਸੰਗਤਾਂ ਨੇ ਖੁਰਾਲਗੜ ਦੀ ਪਵਿਤਰ ਧਰਤੀ ਤੇ ਮਨਾਇਆਂ । ਸੰਗਤਾਂ ਦਾ ਹੜ੍ਹ ਪੂਰੇ ਏਰੀਏ ਵਿੱਚ ਇਕ ਦਿਲਕਸ਼ ਨਜ਼ਾਰਾ ਪੇਸ਼ ਕਰ ਰਿਹਾ ਸੀ । ਸ਼੍ਰੀ ਗੁਰੁ ਰਵਿਦਾਸ ਵੈਲਫੇਅਰ ਸੋਸਾਇਟੀ ਯੂ.ਏ.ਈ. ਦੇ ਹੈਡ ਗ੍ਰੰਥੀ ਭਾਈ ਕਮਲ ਰਾਜ ਸਿੰਘ ਜੀ ਨੇ ਵੀ ਪਰਿਵਾਰ ਸਮੇਤ ਖੁਰਾਲਗੜ ਪਹੁੰਚਕੇ ਹਾਜ਼ਰੀ ਲਗਵਾਈ । ਉਨਹਾਂ ਦੇ ਨਾਲ ਸੋਸਾਇਟੀ ਦੇ ਮੈਂਬਰ ਸ਼੍ਰੀ ਬਲਬੀਰ ਚੰਦ ਅਤੇ ਹਰਮੈਸ਼ ਰਾਣਾ ਜੀ ਵੀ ਆਪਣੇ ਪਰੀਵਾਰਾਂ ਸਮੇਤ ਪਹੁੰਚੇ ਹੋਏ ਸਨ । ਭਾਈ ਕਮਲ ਰਾਜ ਸਿੰਘ ਜੀ ਅਨੁਸਾਰ ਸੰਗਤਾਂ ਵਿੱਚ ਖੁਰਾਲਗੜ ਪ੍ਰਤੀ ਸ਼ਰਧਾ ਅਤੇ ਪਿਆਰ ਦਿਨ ਬ ਦਿਨ ਵਧ ਰਿਹਾ ਹੈ ਅਤੇ ਸੰਗਤਾਂ ਦੀ ਲੱਖਾਂ ਦੀ ਗਿਣਤੀ ਇਸ ਪਿਆਰ ਦਾ ਸਬੂਤ ਸੀ   । ਥਾਂ ਥਾਂ ਤੇ ਲੰਗਰ ਦੀਆਂ ਪੰਗਤਾਂ ਅਤੇ ਅਨੇਕਾਂ ਕੀ ਕੀਰਤਨ ਪੰਡਾਲ ਮਾਹੌਲ ਹੋਰ ਵੀ ਰੂਹਾਨੀ ਬਣਾ ਰਹੇ ਸਨ ।