ਜੇਕਰ ਸਾਡੀ
ਧਿਰ ਦੇ ਸਾਰੇ ਲੋਕ ਸੁਚੱਜੇ ਹੁੰਦੇ ।
ਦੂਜੀ ਧਿਰ ਦੇ ਲੋਕ ਵੀ ਸਾਡੇ ਸੱਜੇ ਖੱਬੇ ਹੁੰਦੇ ॥
ਗੈਰਾਂ ਦੇ
ਐਬਾਂ ਨੂੰ ਤੱਕਣੋ ਫੁਰਸਤ ਜੇ ਮਿਲ ਜਾਂਦੀ ।
ਕਾਸ਼ ! ਦੋ ਸੋਟੇ ਆਪਣੀ ਮੰਜੀ ਹੇਠਾਂ ਵੱਜੇ ਹੁੰਦੇ
॥
ਲਾਲ ਕੌਮ
ਦੇ ਅਜ ਵੀ ਸੀਸ ਤਲੀ ਤੇ ਧਰਕੇ ਆਂਦੇ ।
ਆੜ
ਧਰਮ ਦੀ ਪਿੱਛੇ ਜੇ ਨਾ ਘਪਲੇ ਕੱਜੇ ਹੁੰਦੇ
॥
ਕੋਝੇ ਕੋਝੇ
ਦਾਅ ਪੇਚਾਂ ਦੀ ਲੋੜ ਕਦੇ ਨਾ ਪੈਂਦੀ ।
ਰਲ
ਮਿਲ ਬਹਿਕੇ ਹਰ ਮਸਲੇ ਦੇ ਹੱਲ ਜੇ ਲੱਭੇ ਹੁੰਦੇ ॥
ਅੰਨਾ ਵੰਡੇ
ਰੇਵੜੀਆਂ ਵਾਲੀ ਗੱਲ ਜੇ ਨਾ ਹੁੰਦੀ ।
ਮਾੜੇ ਹੋਰ ਨਾ ਮਰਦੇ ਰੱਜੇ
ਹੋਰ ਨਾ ਰੱਜੇ ਹੁੰਦੇ
॥
ਨੌਹੋਂ ਮਾਸ
ਨ ਟੁੱਟਦਾ ਸਾਨੂੰ ਤਾਨੇ ਲੋਕ ਨ ਦੇਂਦੇ ।
ਥਾਂ ਵੰਡਣੇ ਨੂੰ ਜੇ ਨਾ ਆਂਢ ਗਵਾਂਢੀ ਸੱਦੇ ਹੁੰਦੇ ॥
ਬਾਪੂ ਤੇ
ਚਾਚੇ ਜੇ ਲੜਕੇ ਕੰਧ ਨਾ ਪਾਈ ਹੁੰਦੀ ।
ਖੁੱਲੇ ਵਿਹੜੇ ਵਿੱਚ ਬਾਲਾਂ ਦੇ ਅੱਡੇ ਖੱਡੇ ਹੁੰਦੇ
॥
ਪਾਪੀ ਬੰਦੇ ਉਹਨਾਂ ਦੇ ਵਿਚ ਆਪੇ ਆ ਡਿਗਦੇ ਨੇ ।
"ਰੂਪ"
ਕਿਸੇ ਦੀ ਖਾਤਿਰ ਜਿਹੜੇ ਪੁੱਟੇ ਖੱਡੇ ਹੁੰਦੇ
॥
|