ਉਹ
ਭਾਂਡੇ ਮਾਂਜਦੀ ਝਾੜੂ ਲਗਾਂਦੀ ਸੋਚਦੀ ਹੈ ।
|
ਦੋ ਗੱਲਾਂ ਸਿੱਧੀਆਂ ਰੱਬ
ਨਾਲ ਕਰਨਾ ਲੋਚਦੀ ਹੈ । |
ਬਿੱਲੀ ਦੇ ਵਾਲਾਂ ਨੂੰ
ਸਹਿਲਾਂਵਦੀ ਬੈਠੀ ਸਿਠਾਣੀ । |
ਨਿੱਕੀ ਨਿੱਕੀ ਗੱਲੇ ਕਿਉਂ
ਵਾਲ ਮੇਰੇ ਨੋਚਦੀ ਹੈ । |
ਸਹੀ ਹੋਵੇ ਗਲਤ ਹੋਵੇ ਭਲੀ
ਹੋਵੇ ਬੁਰੀ ਹੋਵੇ । |
ਮੇਰੀ ਹਰ ਗੱਲ ਝਿੜਕਾਂ
ਮਾਰ ਕਾਹਤੋਂ ਟੋਕਦੀ ਹੈ । |
ਕਤੂਰੀ ਪਾਲਤੂ ਭੌਂਕੇ
ਜਦੋਂ ਆਖੇ ਬੁਲਾਂਦੀ ਏ । |
ਮੈਂ ਜਦ ਵੀ ਬੋਲਦੀ ਹਾਂ
ਆਖਦੀ ਹੈ ਭੌਂਕਦੀ ਹੈ । |
ਗਰੀਬਾਂ ਦੇ ਰਿਜ਼ਕ ਸੁੱਖ
ਸ਼ਾਂਤੀ ਘਰ ਬਾਰ ਬਾਝੋਂ । |
ਹੈ ਕਿਹੜੀ ਹੋਰ ਸ਼ੈਅ ਜੋ
ਕਿ ਖੁਦਾਈ ਰੋਕਦੀ ਹੈ । |
ਅਗੇਤਰ ਧੀ ਸੀ ਤਾਂ
ਧੀਰਾਣੀ ਸਾਂ ਮੈਂ ਮਾਪਿਆਂ ਦੀ । |
ਅਗੇਤਰ ਨੌਕ ਲਾਕੇ ਤੂੰ
ਤਾਂ ਫੱਟੀ ਪੋਚਤੀ ਹੈ । |
ਜਮਾਤਣ ਸੀ ਮੇਰੀ ਜੋ ਧੀ
ਅਮੀਰਾਂ ਦੀ ਹੈ ਬੀਬੀ ਜੀ । |
ਮੈਂ ਬਾਈ ਹਾਂ ਉਸੇ ਬੀਬੀ
ਦੀ ਗੱਲ ਬਸ ਸੋਚ ਦੀ ਹੈ । |
ਸੁਨੇਹੇ ਘੱਲਦਾਂ ਏਂ ਇਕ
ਨੂਰੋਂ ਜਗ ਉਪਜਣੇ ਦੇ । |
ਨਹੀ ਲੱਗਦਾ ਕਿ ਤੇਰੀ
ਨੀਵਿਆਂ ਸੰਗ ਦੋਸਤੀ ਹੈ । |
ਭੁਲੇਖੇ ਨਾਲ ਆਵੇਂ ਜੇ
ਕਿਤੇ ਤੂੰ ਝੁੱਗੀਆਂ ਵੱਲੇ । |
ਸਿੱਧਾ ਦੱਸ ਦੇਣਗੇ ਸਿੱਧੂ
ਅਸਾਡਾ ਰੋਸ ਕੀ ਹੈ । |